Bakının Binəqədi rayonunda bir nəfərin yaralanması ilə nəticələnən yol-nəqliyyat hadisəsi baş verib. Hadisə zamanı 10 QP 373 dövlət nömrə nişanlı “Mercedes” markalı avtomaşınla 10 DF 181 dövlət nömrə nişanlı “VAZ 2106” markalı maşın toqquşub. Biləcəri qəsəbəsində baş vermiş yol-nəqliyyat hadisəsi “Mercedes” markalı maşının digər avtomobilin yoluna çıxması nəticəsində baş verib. Qəza zamanı “VAZ 2106” markalı maşının sürücüsü Eyvazov Yasin İsmətəli oğlu yaralanıb. Xəstəxanaya yerləşdirilmiş yaralının həyati təhlükəsi olmasa da, həkimlər Yasin Eyvazovun vəziyyətinin ağır olduğunu bildiriblər.

Hadisə şahidlərinin ANS PRESS-ə verdiyi məlumata görə, qəza zamanı “Mercedes” markalı maşının sürücüsü qəzadan dərhal sonra avtomobili hadisə yerində qoyaraq ərazini tərk edib. Sürücünün sərxoş vəziyyətdə olduğu güman edilir

Binəqədi rayon Polis İdarəsindən ANS PRESS-ə verilən məlumatda faktla bağlı araşdırma aparıldığı bildirilib. ANSPRESS