Bərdə sakini intihara cəhd edib. ANS PRESS-in bölgə müxbirinin verdiyi məlumata görə, rayonun Xanərəb kəndinin sakini odlu silahla özünü öldürmək istəyib.

30 yaşlı Xəlilov Elmir Xəlil oğlu açdığı atəşdən yaralanıb. O dərhal Bərdə Mərkəzi Rayon Xəstəxanasına çatdırılıb. Hazırda həkimlər ona tibbi yardım göstərir.

Faktla bağlı Bərdə rayon prokurorluğunun və Polis Şöbəsinin əməkdaşları araşdırma aparır. Hələlik hadisənin səbəbi barədə açıqlama verilmir.