Ötən gecə Nəsimi rayonunda bir nəfərin xəsarət alması ilə nəticələnən yol nəqliyyat hadisəsi baş verib. Qəza Rasim Hüseynovun idarə etdiyi “Opel” markalı avtomaşınla Sadiqov Rasim Sadıq oğlunun idarə etdiyi “Rexton” marklı avtomobilin toqquşması nəticəsində baş verib. Azadlıq prospektində qeydə alınan qəza zamanı xəsarət alan “Opel”in sürücüsü 1 saylı şəhər xəstəxanasına çatdırılıb.

Xəstəxanadan verilən məlumata görə sürücüyə lazımı tibbi yardım göstərilib. Hazırda onun vəziyyəti stabildir. İlkin ehtimallara görə qəza “Rexton” markalı maşının qəfildən yolun soluna çıxması səbəbindən meydana gəlib.

Faktla bağlı Nəsimi Rayon Polis İdarəsində araşdırma aparılır.