Qaradağ rayonu Müşfiqabad qəsəbəsində “Tofaş” markalı avtomaşın yanıb. Qaradağ Rayon Polis İdarəsindən ANS PRESS-ə verilən məlumata görə, hadisə səhər saat 06:00 radələrində avtomaşın işlək vəziyyətdə olarkən qeydə alınıb.

Avtomaşının yanması nəticəsində avtomobildə olan bir nəfər dünyasını dəyişib. Hazırda hüquq-mühafizə orqanları əməkdaşları hadisə yerində araşdırma apararaq yanğının baş vermə səbəbini və ölən şəxsin kimliyinin müəyyənləşdirilməsi iqtiqamətində iş aparırlar. Hadisə şahidlərinin ANS PRESS-ə verdiyi məlumata görə isə avtomobil yanaraq külə dönüb.