Ötən gün Bakı Yasamal rayonunda ölümlə nəticələnən yol-nəqliyyat hadisəsi baş verib. Rayon Polis İdarəsindən lent.az-a verilən məlumata görə, H.Zərdabi küçəsi 242 ünvanının qarşısında 1963-cü il təvəllüdlü Əfqan Azayev idarə etdiyi “Otoyol” markalı sərnişin avtobusu ilə yolu keçmək istəyən piyadanı vurub.

Məlumata görə, piyada 1971-ci il təvəllüdlü Abbasov İbrahimxəlil Əlihüseyn oğlu avtomobildən düşərək yolun hərəkət hissəsinə çıxıb. Bu zaman 5 saylı xətt üzrə hərəkət edən avtobus onu vurub. Piyada hadisə yerindəcə dünyasını dəyişib.

Faktla əlaqədar Yasamal RPİ-də araşdırma aparılır.