Bakının Sabunçu rayonunda "Sat-İnzeft" MMC-yə məxsus quşçuluq fermasında yanğın hadisəsi baş verib. Fövqəladə Hallar Nazirliyinin mətbuat xidmətinin məlumatına görə, ümumi sahəsi 1400 kvadratmetr olan quşçuluq fermasının yanar konstruksiyaları yanıb, hadisə zamanı fermanın içərisində olan cücələr tələf olub. Yaxınlıqda yerləşən ferma yanğınsöndürənlər tərəfindən yanğından mühafizə olunub.

Yanğın saat 15:04-də yanğınsöndürənlər tərəfindən söndürülüb.

Hadisənin baş vermə səbəbi bilinmir. ANSPRESS