Bakının Nərimanov rayonunda yol-qəza hadisəsi baş verib. Rayon Polis İdarəsindən ANS PRESS-ə verilən məlumata görə, hadisə bu gün saat 09:20 radələrində A. Neymətulla küçəsi ilə F.Xoyskı küçəsinin kəsişməsində qeydə alınıb.

22 yaşlı Orxan Atakişiyevin idarə etdiyi "Jiquli" ilə "Toyota Prado" markalı avtomobil toqquşub. Nəticədə O. Atakişiyev xəsarət alaraq, Bakı şəhəri Təcili və Təxirəsalınmaz Tibbi Yardım Stansiyasının maşını ilə Travmotologiya İnstitutuna aparılıb. Yaralıya bud nahiyəsinin 1/3 hissəsinin sınığı diaqnozu qoyulub.

Hadisə yerinə Nərimanov rayon Polis İdarəsinin əməkdaşları yollanaraq ilkin araşdırmalara başlayıblar. Qəzanın hansı sürücünün səhvi ucbatından baş verdiyi araşdırılır. ANSPRESS