Bakıda mağazadan külli miqdarda pul oğurlanıb. ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, hadisə avqustun 3-də qeydə alınıb.

Həmin tarixdə Cəmaləddin Babayevə məxsus mağazadan 40 min manat naməlum şəraitdə oğurlanıb.

Həyata keçirilən tədbirlər nəticəsində hadisəni törətməkdə şübhəli bilinən Quba rayon sakini Murad Novruzov və Xırdalan şəhər sakini Rövşən Quliyev tutulub.

Əməliyyat Yasamal rayon Polis İdarəsi 27-ci polis bölməsi əməkdaşları tərəfindən həyata keçirilib.