Bu gün axşam saat 18:30 radələrində Bakının Fəhlə prospektində yol-nəqliyyat hadisəsi baş verib. Şahidlərin ANS PRESS-ə verdiyi məlumata görə, Fəhlə prospektindən NZS qəsəbəsinə ayrılan yolda iki avtobus toqquşub. Hadisə zamanı çoxlu sayda sərnişin yaralanıb.

Şahidlərin dediyinə görə, hadisə yola ayrıcındakı işıqforda baş verib. Arxadan gələn avtobus işıqforda dayanmış avtobusu vurub. Nəticədə arxadakı avtobusun sürücüsü də daxil olmaqla, təxminən 10-12 nəfər sərnişin xəsarət alıb.

Hazırda hadisə yerində təhqiqat aparılır, yolda tıxac yaranıb.

Xətai Rayon Polis İdarəsindən məlumatı təsdiq ediblər. Lakin hələlik hadisə ilə bağlı ətraflı məlumat olmadığı bildirilir. ANSPRESS