Bu gün saat 12:20 radələrində Bakı şəhəri Yasamal rayonu ərazisində fəhlənin ölümü ilə nəticələnən hadisə baş verib. Yasamal rayon Polis İdarəsindən ANS PRESS-ə verilən məlumata görə, Bəşir Səfəroğlu 539-cu məhəllədə tikilən hündürmərtəbəli binanın 10-cu mərtəbəsindən fəhlə yıxılaraq ölüb. Hadisə yerinə polis və təcili tibbi yardım çağrılıb. Ölən fəhlənin şəxsiyyəti dəqiqləşdirilir.

Bakı şəhəri Təcili və Təxirəsalınmaz Tibbi Yardım Stansiyasından ANS PRESS-ə verilən məlumata görə, dünyasını dəyişən fəhlə 25 -30 yaşlarındadır. Hadisə şahidlərinin verdiyi məlumata görə isə, ölən fəhlə Sabiraba rayonunun Şəhriyar kəndindəndir.

Faktla bağlı araşdırma aparılır.