Ötən gecə Azadlıq prospektinin Nərimanov rayonu ərazisindən keçən hissəsində iki avtomaşının toqquşması ilə nəticələnən yol nəqliyyat hadisəsi baş verib. Qəza zamanı “BMW” və “Mitsubishi” markalı nəqliyyat vasitələri toqquşub. Qəza zamanı xəsarət alan olmasa da, hər iki nəqliyyat vasitəsinə ciddi ziyan dəyib. Ərazidə olan Bakı şəhər dövlət yol polis idarəsinin əməkdaşlarının verdiyi məlumata görə, qəzadan sonra “Mitsubishi”nin sürücüsü hadisə yerindən yayınıb.

Faktla bağlı Bakı şəhər dövlət yol polis idarəsinin əməkdaşları tərəfindən araşdıma başlanılıb. İlkin ehtimallara görə, qəza “Mitsubishi” markalı nəqliyyat vasitəsinin digər maşının yoluna çıxması səbəbindən qeydə alınıb. Qəzanın dəqiq hansı sürücünün səhlənkarlığı kcbatından baş verdiyi isə araşdırmaların sonunda bəlli olacaq.