Bu gün saat 11:12 radələrində Bakının Sabunçu rayonu ərazisində dəhşətli hadisə baş verib. Sabunçu rayon Polis İdarəsi 12-ci polis bölməsindən ANS PRESS-ə verilən əmlumata görə, Ramana-Qala yolunun kənarında fərdi yaşayış evi uçub.

Hadisə nəticəsində azyaşlı uşaq söküntülər altında qalıb. Hazırda hadisə yerinə Fövqəladə Hallar Nazirliyinin xilasediciləri, polis əməkdaşları cəlb olunub.

Uşağın dağıntılar altından çıxarılması üçün işlər aparılır. Hələlik azyaşlının sağ olub olmadığı barədə məlumat yoxdur. Hadisə haqqında əlavə məlumat verəcəyik.