Bakıda avtomobil satışı mərkəzində yanğın baş verib. Bu barədə Fövqəladə Hallar Nazirliyinin Dövlət Yanğından Mühafizə Xidmətindən bildirilib. Yanğın dünən saat 21.00 radələrində, Sabunçu rayonu ərazisində, “Kaspian-Petrol” yanacaqdoldurma məntəqəsinin yanında yerləşən “Best” avtosalonunda meydana gəlib. Hadisə yerinə Nizami və Nərimanov rayonlarının Yanğından Mühafizə İdarələrinin yanğınsöndürənləri cəlb edilib. Həyata keçirilən tədbirlər nəticəsində yanğının qarşısı alınıb.