Bu gün saat 12:30 radələrində Bakıda daha bir sərnişin avtobusu qəzaya uğrayıb. Hadisə Nizami rayonu ərazisində baş verib. Rayon Polis İdarəsindən ANS PRESS-ə verilən məlumata görə, 11 saylı avtobus idarəetməni itirərək "Şəfa" stadionuna girib.
Hadisə şahidlərinin dediklərinə görə, avtobus əvvəlcə stadionun yanındakı işıqforu qırıb və yaxınlıqdakı "Toyoto-Prado" markalı avtomobilə, daha sonra stadiona çırpılıb. İlkin ehtimala görə, yol qəzasına yüksək sürət səbəb olub.
Bakı Şəhər Təcili və Təxirəsalınmaz Tibbi Yardım Stansiyasından ANS PRESS-ə verilən məlumata görə, qəza zamanı 7 nəfər xəsarət alıb.
Foto: Trend
Bakıda avtobus "Şəfa" stadionuna girdi, yaralılar var
Qəza zamanı 7 nəfər xəsarət alıb
Şərhlər