Bakı-Mərdəkan şosesində ağır qəza olub. Xəzər Rayon Polis İdarəsindən Trend-ə verilən məlumata görə, rayon ərazisində, Bakı-Mərdəkan şosesində 1985-ci il təvəllüdlü Xəyal Abıyev idarə etdiyi "QAZ 2410" markalı avtomobili Rasim Nəcəfovun idarə etdiyi "DAEWOO" markalı 136 saylı sərnişin avtobusuna vurub.

Nəticədə minik avtomobilinin sərnişini, 1977-ci il təvəllüdlü Yadigar Nəhmətov ağır bədən xəsarəti alıb və 3 saylı Şəhər Klinik Xəstəxanasına aparılıb. Yaralı xəstəxanada dünyasını dəyişib.

Faktla bağlı cinayət işi başlanıb, istintaq aparılır.