Bakıda aptek və mağazalardan oğurluq və oğurluğa cəhd edən şəxslər tutulub. Bu barədə Bakı şəhər Baş Polis İdarəsindən ANS PRESS-ə verilən məlumata görə, fevralın 8-də Lökbatan qəsəbə sakini Zəfər Əsədova məxsus İ.Nəbiyev küçəsində yerləşən mağazadan qapının qıfılını sındırmaq yolu ilə pul, danışıq kartları və ərzaq məhsulları oğurlanıb. Qaradağ rayon Polis İdarəsi 10-cu polis bölməsi əməkdaşlarının keçirdiyi əməliyyat nəticəsində qəsəbə sakinləri Pərviz Əliyev və Cəlal Quliyev hadisədə şübhəli bilinərək saxlanılıb.

Aparılan araşdırma zamanı müəyyən olunub ki, onlar fevralın 7-də həmin qəsəbədə Vahid Zeynalovun mağazasından 104 manat oğurlayıblar, Səlim Salmanov və Akif Hacıyevə məxsus apteklərdən isə qapını sındırmaq yolu ilə oğurluğa cəhd ediblər.

Araşdırmalar davam edir. ANSPRESS