Bakının Binəqədi rayonunda doqquzmərtəbəli yaşayış binasında bomba həyəcanı yaşanıb. Fövqəladə Hallar Nazirliyindən verilən məlumata görə, quruma Binəqədi rayonunda doqquzmərtəbəli yaşayış binasının mənzillərinin birində partlayıcı qurğu yerləşdirilməsi barədə məlumat verilib.

Məlumat daxil olan kimi, dərhal Nazirliyin müvafiq qurumlarının mütəxəssisləri lazımi tədbirlərin görülməsi üçün hadisə yerinə cəlb edilib, aidiyyəti qurumlar məlumatlandırılıb. Nazirliyin mütəxəssisləri hüquq-mühafizə orqanlarının əməkdaşları ilə birlikdə binanın giriş hissəsinin zirzəmisində və dəhlizin 1-ci mərtəbəsindən 9-cu mərtəbəsinə kimi, o cümlədən 6-cı mərtəbədə yerləşən həmin mənzildə axtarış işləri aparıb. Nəticədə, qeyd olunan ərazidə partlayıcı qurğu aşkar edilməyib.

Əməliyyat saat 15:30-da başa çatıb.