Paytaxtın Suraxanı rayonu Qaraçuxur qəsəbəsində yerləşən 6 saylı Vərəm Əleyhinə Dispanserdə intihar hadisəsi baş verib. Suraxanı rayon Polis İdarəsindən ANS PRESS-ə verilən məlumata görə, 52 yaşlı Habil adlı şəxs xəstəxananın damında özünü asıb.

Hazırda hadisə yerində hüquq-mühafizə orqanları araşdırma aparır.

Hadisə şahidlərinin ANS PRESS-ə verdiyi məlumata görə, intihar edən şəxs xəstəxanada gözətçi işləyirmiş. Onun oğlunun kiməsə borclu olduğu və bu səbəbdən də kişinin narahat olduğu deyilir.