Bakının Əzizbəyov rayonunda narkotik alverçiləri həbs olunub. Bakı şəhər Baş Polis İdarəsindən ANS PRESS-ə verilən məlumata görə, Əzizbəyov Rayon Polis İdarəsinin əməkdaşları Şağan qəsəbəsi yeni yaşayış massivində yaşayan əvvəllər məhkum olunmuş Faiq Hüseynovdan 15,8 qram, evinə baxış zamanı isə 120,6 qram narkotik vasitə olan heroin aşkar edərək götürüblər.
Təxirəsalınmaz əməliyyat tədbirləri nəticəsində narkotik vasitəni ona satan Sumqayıt şəhər sakini, əvvəllər məhkum olunmuş Əhməd İbrahimovdan 0,16 qram, Ə.İbrahimova isə narkotik vasitəni satan Buta qəsəbə sakini əvvəllər məhkum olunmuş Rəfael İbişovdan 1 kiloqram 85 qram narkotik vasitə olan heroin və onu çəkmək üçün elektron tərəzi aşkar olunaraq götürülüb.
Faktla bağlı Əzizbəyov Rayon Polis İdarəsində AR CM-nin müvafiq maddələri ilə cinayət işi başlanılıb, araşdırma aparılır. ANSPRESS