Abşeron rayonu ərazisində, Bakı-Quba yolunun təxminən 13-cü kilometrliyində zəncirvari yol qəzası baş verib.

Müəyyən edilib ki, qəza şəhərdən Masazir qəsəbəsi istiqamətində hərəkət edən VAZ 2107 markalı maşının yol ayırıcı dəmir çəpərlərə çırpılmasından sonra meydana gəlib. Bu vaxt Sumqayıtdan paytaxt istiqamətində hərəkətdə olan “Daewoo” markalı sərnişin avtobusunun, “Hyundai” markalı minik maşınının və “Ford” markalı yük maşınının sürücüləri ara məsafəsini gözləmədikləri üçün zəncirvari olaraq bir-birinə çırpılıb.

Hadisə nəticəsində xəsarət alan olmasa da, avtomobillərə ciddi ziyan dəyib.