Bakı-Quba yolunun Xızı rayonunun Şurabad kəndindən keçən hissəsində ağır yol qəzası baş verib. ANS PRESS-in şimal bürosunun verdiyi məlumata görə, Bakıdan Quba istiqamətində hərəkət edən VAZ 21010 markalı avtomobil aşıb. Yol polisi əməkdaşlarının bildirdiyinə görə, sürücü, 1964-cü il təvəllüdlü Bakı sakini Əbülfət İbad oğlu Qurbanov sükan arxasında yuxuya gedib, bu səbəbdən də avtomobil idarəetməni itirərək bir neçə dəfə çevrilib.

Nəticədə sürücünün həyat yoldaşı və qardaşı həlak olub, digər iki sərnişin isə yüngül bədən xəsarətləri alıb. Həlak olanların meyitləri Sumqayıt morquna aparılıb.

Faktla bağlı araşdırma aparılır.