Yevlax rayonu ərazisində dəhşətli yol qəzası baş verib. Baş Dövlət Yol Polis İdarəsindən verilən məlumata görə, Yevlax-Gəncə yolunda baş verən qəzada Bakı-Gəncə istiqamətində hərəkət edən “Daewoo” markalı sərnişin avtobusu ilk olaraq “KamAZ” markalı yük maşını, daha sonra isə “VAZ-2110” və “Daewoo-Nexia“ markalı minik maşınları ilə toqquşub.

İlkin məlumata görə, “Jiquli"də olaa iki nəfər ər-arvad qəza nəticəsində dünyasını dəyişib. Digər avtomobillərdə olanlar arasında da yaralananların olduğu bildirilir.

İlkin ehtimala görə, qəzaya “KamAZ” səbəb olub. Belə ki, yük maşını yol ayrıcında bir yoldan digərinə keçmək istəyərkən minik maşınları ilə toqquşub. Bu zaman yüksək sürətlə hərəkətdə olan avtobusda qəzadan yayına bilməyib. Toqquşma nəticəsində avtobus yoldakı arakəsmənin üstünə çıxıb.