Ötən gün Masallı rayonunda zəncirvari yol qəzası baş verib. Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Kamran Əliyev ANS PRESS-ə verdiyi məlumata görə, yol qəzasında “Kia” markalı 98 A 541 nömrə nişanlı avtomobil, “TATRA” markalı 47 AC 330 dövlət nömrə nişanlı yük maşını və tranzit yük maşını toqquşub. Qəzada “Kia” markalı avtomobildə olan İran vətəndaşları sürücü 1984-cü il təvəllüdlü Nosnomi Muhammadaliyə və 1977-ci il təvəllüdlü Moqorram Hoteyn Qaçırman və tranzit yük maşının sürücüsü Tural Nuriyev xəsarət alıb.

Digər bir yol qəzası isə Bakının Nizami rayonunda qeydə alınıb. Nizami rayonu Heydər Əliyev prospektində Həmid Ramazanovun idarə etdiyi "KİA" ilə Faiq Abbasovun idarə etdiyi KamAZ toqquşub.

Qəzada minik avtomobilinin sərnişinləri Sevinc Hacıyeva (1964), Pərviz Hacıyev (1984) və Rəna Hacıyeva (1969) xəsarət alıblar. Onlar xəstəxanaya yerləşdiriliblər.