Bu gecə saat 00:10 radələrində Gəncə şəhərində orta məktəbli şagirdlər arasında kütləvi dava olub. Gəncə şəhər Polis İdarəsindən ANS PRESS-ə verilən məlumata görə, orta məktəbin XI sinif şagirdləri arasında düşən dava sonradan bıçaqlanma ilə nəticələnib.

Belə ki, Rəşad Cabbarov, Turqut Tarverdiyev və Kamil Namazov bıçaq xəsarətləri alıblar. Onlar xəstəxanaya yerləşdirilib.

Hadisəni törədən Gəncə sakinləri Nurəddin Əliyev tutulub, Kamran Məmmədov və Eşqin Haqverdiyev isə polis tərəfindən saxlanılıb. Faktla bağlı araşdırma aparılır.