Aran-Mingəçevir yolunda iki nəfərin ölümü ilə nəticələnən avtomobil qəzası baş verib. APA-nın məlumatına görə hadisə mayın 30-da gecə saat 23:00 radələrində yolun 8-ci kilometrliyində qeydə alınıb. Mingəçevir şəhər sakini 1956-cı il təvəllüdlü Sadıqov Rafiq Saleh oğlu şəhər paylayıcı elektrik şəbəkəsinə məxsus “QAZ 3110” markalı minik maşını ilə qarşı tərəfdən gələn Mingəçevir sakini 1953-cü il təvəllüdlü Sadıqov Vəli Mövsüm oğluna məxsus “VAZ 2107” markalı avtomobillə toqquşub. Hadisə nəticəsində “QAZ 3110”un sürücüsü Rafiq Sadıqov və sərnişini 1965-ci il təvəllüdlü Mahmudov Çingiz Ağamir oğlu dünyasını dəyişib, “VAZ 2107”nın sürücüsü Vəli Sadıqov və onun həyat yoldaşı 1962-ci il təvəllüdlü Sadıqova Gülnar Şaban qızı müxtəlif dərəcəli bədən xəsarətləri ilə xəstəxanaya yerləşdirilib.

Faktla bağlı Yevlax rayon Polis Şöbəsi tərəfindən cinayət işi açılıb, araşdırma aparılır.