Azərbaycanda bir gecədə 3 uşağı maşın vurub. Baş Dövlət Yol Polisi İdarəsindən ANS PRESS-ə verilən məlumata görə, Sabirabad rayonunda 7 yaşlı uşağın ölümü ilə nəticələnən yol nəqliyyat hadisəsi baş verib.

Belə ki, Saatlı rayonu Əhmədbəylik kənd sakini, 1964-cü il təvəllüdlü Cəlil Salman oğlu Süleymanov idarə etdiyi “Toyota” markalı, 90 LC 090 dövlət nömrə nişanlı avtomobillə Sabirabad rayonu Qalaqayın kənd sakini, 8 yaşlı Bayram Rövşən oğlu Əliyevi vurub. Bayram Əliyev xəstəxanaya aparılarkən yolda dünyasını dəyişib.

Digər hadisə isə İsmayıllı rayonunda baş verib. Yolu keçmək istəyən 10 yaşlı Humay Dadaşovanı maşın vurub öldürüb.

Ötən gecə saat 21:00 radələrində isə Göygöl rayonunda “Hyundai” markalı avtomobil 2005-ci il təvəllüdlü oğlanı vurub. Qəza nəticəsində o da ölüb.