Kürdəmir rayonu ərazisində ölümlə nəticələnən yol-nəqliyyat hadisəsi baş verib. ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, hadisə iyunun 12-də saat 18.30 radələrində qeydə alınıb.

Kürdəmir rayonu ərazisində, Bakı şəhər sakini Ziya Şıxəliyevin idarə etdiyi “Honda CRV” və rayonuna sakini Cabbar Hüseynovun idarə etdiyi “SHACMAN” markalı avtomaşınlar toqquşub. Sonradan “Honda CRV” markalı avtomaşın qarşı istiqamətdən gələn Ucar rayon sakini Əliqulu Həsənov tərəfindən idarə edilən “Mercedes” markalı avtomaşına dəyib və aşıb.

Nəticədə Z.Şıxəliyevin sərnişini – həyat yoldaşı Vüsalə hadisə yerində ölüb, iki azyaşlı qızları isə xəstəxanaya yerləşdirilib. Hazırda onların vəziyyətləri qənaətbəxşdir.