Sumqayıt şəhərindəki "Azəralüminium" ASC-nin istehsalat sahəsindən mis endirmələri oğurlamaqda şübhəli bilinən şəxslər tutulub. Daxili İşlər Nazirliyinin mətbuat xidmətinin məlumatına görə, Sumqayıt ŞPİ əməkdaşlarının həyata keçirdikləri əməliyyat-axtarış tədbirləri zamanı tutulanlar ASC-nin işçiləridir. Bunlar Namiz İbadov, Emil Nadirov, Murad Muradov, Elgün Vəliyev, Camal Harunov, Ədalət Həsənov, Aydın Əliyev, Çingiz Qafarov və mis endirimlərini onlardan almış Sumqayıt şəhər sakini Mahir Məmmədovdur. Adıçəkilən şəxslər sentyabrın 29-da 5375 kiloqram çəkisi olan 215 ədəd mis endirmələri kəsib oğurlamaqda şübhəli bilinirlər. ANSPRESS