Bu gecə Bakıda, Azadlıq prospektinin Binəqədi rayonu ərazisində keçən hissəsində iki avtomaşının toqquşması ilə nəticələnən yol nəqliyyat hadisəsi baş verib. Qəza zamanı eyni istiqamətdə hərəkət edən “VAZ 2106” və “VAZ 21099” markalı avtomaşın toqquşub.

Qeyd edək ki, hadisəyə “VAZ 21099” markalı avtomaşının yolun əks hissəsinə çıxaraq ötmə əməliyyatını yerinə yeirməsi səbəb olub. Bu zaman isə sürücü qarşıdan gələn avtomaşınla toqquşmamaq üçün maşını keçmək istədiyi “VAZ 2106”-nın sol tərəfinə çırpıb. Qəza zamanı xəsarət alan olmasa da, hər iki nəqliyyat vasitəsinə ciddi ziyan dəyib.

Qəzanın səbəblərinin müəyyən edilməsi üçün avtotexniki və tibbi ekspertizalar təyin edilib. Yol nəqliyyat hadisəsinə hüquqi qiymət isə Binəqədi rayon dövlət yol polis şöbəsində aparılacanq araşdırmalardan sonra veriləcək.