Ölkə ərazisində avtomobil oğurluğu ilə məşğul olan şəxslər tutulub.

Quba rayon Polis Şöbəsindən ANS PRESS-ə verilən məlumata görə, Nəsimi rayonu Moskva prospekti, ev 68-də yaşayan İlqar Bəkirovun “VAZ-21011” markalı avtomobili qaçırılıb.
Quba Rayon Polis Şöbəsi tərəfindən keçirilən əməliyyat tədbirləri nəticəsində avtomobili qaçırmaqda şübhəli bilinən rayon sakini Nurlan Ağamuradov tutulub. Aparılan əməliyyat tədbirləri zamanı onun “VAZ-2106” markalı avtomobili də qaçırması müəyyən edilib.

Xətai rayonunda isə Sabir Ələkbərova məxsus “VAZ-21011” markalı avtomobilin qaçırılması ilə başlamış cinayət işinin üstü açılıb. Keçirilən əməliyyat tədbirləri nəticəsində Bakı sakini Ümüd Tağıyev saxlanılıb.

Hər iki faktla bağlı araşdırma aparılır. ANSPRESS