Azərbaycanın Goranboy rayonunda asfalt basan maşın fəhlənin üstündən keçib. Hadisə şahidlərinin ANS PRESS-ə verdiyi məlumata görə, qəza Zazalı adlanan ərazidə yerləşən avtomobil yolunda asfalt çəkimi zamanı baş verib. Ağırçəkili asfaltbasan maşının sürücüsü texnikanı arxaya tərəf sürərkən yol çəkən müəssisənin əməkdaşlarından biri maşının altında qalıb. Adı hələlik müəyyənləşməyən fəhlə elə yerindəcə ölüb.

Goranboy rayon Prokurorluğundan ANS PRESS-ə faktı təsdiqləsələr də, bildirildi ki, hazırda polis və prokurorluğun əməkdaşları hadisə yerində ilkin araşdırmalara başlayıblar. Ölənin kimliyi hələ müəyyənləşdirilməyib.

İlkin ehtimala görə, hadisə ehtiyatsızlıqdan baş verib.