Ötən gecə Bakının nəsimi rayonunda bıçaqlanma baş verib. Rayonun Ağadadaş Qurbanov küçəsində baş verən hadisə zamanı 60 yaşlı Naxçıvan sakini Zakir Əliyev çoxsaylı bıçaq xəsarətləri alıb. Hadisə şahidləri tərəfindən 1 saylı şəhər xəstəxanasına gətirilən yaralı təcili cərrahi əməliyyat otağına çatdırılıb. Əsasən üz nahiyyəsindən çoxsaylı kəsilmiş-deşilmiş yaralar alan Zakir Əliyevin həyatını xilas etmək mümkün olub.

Faktla bağlı məlumat daxil olan kimi Nəsimi rayon polis idarəsi və 21-ci polis bölməsinin əməkdaşları əraziyə yollanıb. İlkin araşdırmalardan sonra zərərçəkənin tanımadığı şəxslərin hücumuna məruz qaldığı ortaya çıxıb. Məlum olub ki, hadisə baş verən vaxt bir neçə nəfər Zakir Əliyevə yaxınaşıb və ona hədə-qorxu gələrək pul istəyib. Cinayətkarların hədələrinə baxmayaraq onların istəyini yerinə yetirməkdən boyun qaçıran Əliyev sonda həmin şəxslər tərəfindən bıçaqlanıb.

Hazırda Nəsimi rayon polis idarəsinin əməkdaşları Zakir Əliyevə bıçaq xəsarətləri yetirən şəxslərin tutularaq məsuliyyətə cəlb edilməsi istiqamətində əməliyyat-axtarış tədbirlərini davam etdirir.