Çində ticarət mərkəzində faciə: çoxlu ölən var

Çində böyük ticarət mərkəzlərindən birində dəhşətli yanğın hadisəsi baş verib.

ANS PRESS-in məlumatına görə, yerli “Şinxua” agentliyi yanğının ticarət mərkəzinin 4-cü mərtəbəsindəki anbarda və kinoteatrda baş verdiyini bildirib.

Dövlət yanğından mühafizə briqadalarının uzun müddətli səyləri nəticəsində alovun qarşısı alınsa da hadisə nəticəsində 17 nəfərin öldüyü bildirilir.

Yanğının ortasında çıxılmaz vəziyyətdə qalan 10 nəfər isə xilas edilərək xəstəxanaya çatdırılıblar.

Hazırda binada soyutma işləri davam edir və yanğının baş vermə səbəbləri hələlik bilinmir.