Milli.Az xəbər verir ki, bir neçə gün bundan öncə müəmmalı şəkildə yoxa çıxmış Lider TV-nin populyar simalarından biri, “Rəngarəng” verilişinin aparıcısı Zaur Nəbioğlu özü əməkdaşımızla telefon əlaqəsi yaradıb. Səsindən hiss olunurdu ki, teleaparıcının özü də haqqında yazılanlardan narahatçılıq keçirib: “Bəzi açıqlamaq istəmədiyim səbəblər var. Bu barədə danışmaq istəmirəm. Təkcə onu deyə bilərəm ki, son 2 gün Bakıda yox idim. Qayıdanda isə bu cür dırnaqarası sürprizlə rastlaşdım. Haqqımda dolaşan şayiələrin hamısı əsassızdır.

Sağlamlığımda da heç bir problem yoxdur. Yaratdığınız fürsətdən istifadə edib mənə görə narahat olan bütün oxucularınıza təşəkkür edirəm. Yenidən Facebook sosial şəbəkəsində olan profilimdə olacağam. İnşallah, bir də belə xoş olmayan sürprizlərlə qarşılaşmaram”.