Azərbaycan tamaşaçıları tərəfindən də maraqla izlənən “Yahşi Cazibe” serialının son seriyasındakı rolundan imtina edərək tənqid hədəfi olmuş aktrisa Aslıhan Gürbüz yeni bir serialla ekranlara qayıdır. “Milliyet TV” jurnalının xəbərinə görə, Gürbüz ölkə baş naziri Rəcəb Tayyib Ərdoğanın tənqidinin hədəfi olmuş “Muhteşem Yüzyıl” (Möhtəşəm Əsr) serialında çəkiləcək. Məlumata görə, uzun müddətdir Qanuni Sultan Süleymanın bacısı Şah Sultan obrazı üçün aktrisa axtaran prodüsser şirkəti bu rol üçün Aslıhan Gürbüzlə razılığa gəlib. Hazırda şirkət bu obrazın bacısı rolunda çəkilmək üçün Aslıhan Gürbüzə oxşayan aktrisa axtarır.