Allaha min şükür, nəticədən razı qaldılar və orada qalmağımı daha lazım bilmədilər”. Bu sözləri APA-ya açıqlamasında 4 ay ərzində İstanbulun Memorial Xəstəxanasında müalicə olunan Akademik Milli Dram Teatrının aktyoru, xalq artisti Yaşar Nuri deyib. Aktyor bildirib ki,
Novruz bayramı günlərində İstanbulda qaldıqdan sonra dünən artıq birdəfəlik Vətənə dönüb: “Şükür, hər şey normal oldu. Ona görə də müalicəm burda davam etdiriləcək. Həkim nəzarətində olacağam. Bircə yeriməyimdə çətinlik var. İnşallah, o da düzələr və bir də Türkiyəyə qayıtmaram. Bundan sonra məni tez-tez görəcəksiniz. Martın 30-da teatrda keçiriləcək “Lənkəran xanının vəziri” tamaşasının premyerasına da gələcəyəm”.