Rusiyanın məşhur “VİA Qra” musiqi qrupu fəaliyyətinə son qoyur. ANS PRESS-in “Lifenews.ru”ya istinadən verdiyi məlumata görə, qrupun prodüseri Konstantin Meladze artıq yorulduğunu və bu dəfə üç nöqtə deyil, bir nöqtə qoyacağını bildirib.

Hələlik qrupun üzvləri-Yeva və Albinanın taleyi haqda heç bir məlumat verilmir. Lakin onların qrupun keçmiş üzvləri kimi solo karyeraya başlayacaqları ehtimal olunur.

Xatırladaq ki, bu qrup üzvlərinin mütəmadi dəyişməsindən bezən Konstantin Meladzenin qrupun dağılması haqda ilk açıqlaması deyil. Sonuncu dəfə o, “VİA Qra”nın dağılması haqda 2005-ci ildə açıqlama vermişdi. Lakin bu açıqlamanın üstündən 7 il keçməsinə baxmayaraq, qrup hələ də fəaliyyət göstərirdi.

Noyabrın 27-də Konstantin Meladze son qərarı haqda jurnalistlərə açıqlama verəcək.