Tanınmış rus müğənnisi Valeri Meladze Çeçenistanın paytaxtı Qroznı şəhərinin 195 illiyinə həsr edilmiş qala-konsertdə iştirak edib.

ANS PRESS-in "Ria-Novosti"yə istinadən verdiyi xəbərə görə, müğənni özünü Qroznıda yad hiss etmədiyini bildirib. O, prezident Ramzan Kadırov təşkil edilən konsertə heyran olduğunu deyib.

Valeri Meladzedən başqa çeçen xalqını bayram münasibəti ilə təbrik edənlər arasında Rusiyanın və xarici estradanın ulduzları - Viktoriya Dayneko, Timati, Lev Leşenko, Nikolay Baskov, İrina Dubtsov, Snap, Lui Beqa və London Beat qrupu da var. Hollivudun tanınmış aktyoru Stiven Siqal da qala-konsertdə iştirak edib və bayram münasibəti ilə prezidenti təbrik edib.