ANS PRESS-in məlumatına görə, film şirkətini 1 milyon dollar ziyana salan aktrisa Türkiyə və Azərbaycanın birgə layihəsi olan “Acıtan yürek” bədii filminin Bakıda keçirilən seçim turlarının final mərhələsinə qatılacaq.

Layihənin mətbuat katibi Fuad Mədətov ANS PRESS-ə açıqlamasında bu xəbəri təsdiqləyərək Məryəm Üzərlinin türkiyəli rejissor Cansu Kırdar İrmakın ekranlaşdıracağı “Acıtan yürek” filminin final seçim turlarına münsif kimi qatılacağını bildirdi: "Xəbər verdiyimiz kimi Türkiyə və Azərbaycanın birgə layihəsi olan “Acıtan yürek” bədii filminin çəkiləşlərinə hazırlıq prosesi gedir. Hazırda filmin seçim turlarının qeydiyyatı davam edir. İyunun 8, 9, 15, 16, 22 və 23-də mərhələli sınaq turları keçiriləcək. Sınaq turlarında Türkiyənin məşhur aktyoru Saruhan Hünəl də iştirak edəcək.

Filmin final seçim turlarına daha iki məşhur qatılacaq. Onlar Türkiyənin ən çox izlənilən “Möhtəşəm yüz il” serialında Hürrəm Sultanı canlandıran aktrisa Məryəm Üzerli və aparıcı- prodüser Acun İlicalıdır."

Qeyd edək ki, “Acıtan yürek” filmin çəkilişlərini Azərbaycanda Bakı və Qəbələdə, Türkiyədə isə İzmirdə gerçəkləşdirəcək. Filmin seçim turlarında ictimaiyyətə tanınmayan simalar və ilk dəfə kamera qarşısına keçən şəxslər çəkiləcək. Azərbaycanın şəhər və rayonlarında (Bakı, Sumqayıt, Lənkəran, Bərdə, Gəncə, Qəbələ və Naxçıvan) baş tutacaq sınaq turlarının dəqiq vaxtı isə ictimaiyyətə ən azı 10 gün əvvəl məlumat veriləcək.

Seçim turlarına 18-30 yaş arası gənclərlə (qeydiyyatın qiyməti 4 AZN dəyərindədir) yanaşı, 3-14 yaş arası uşaqlar da (qeydiyyatın qiyməti 2 AZN dəyərindədir) qatılmasına ehtiyac var. Bunun üçün qeyd olunan yaş həddinə uyğun şəxslər (qadın və kişi) şəxsiyyət vəsiqəsinin surətiylə və 2 ədəd 3x4 ölçülü şəkillə qatıla bilərlər.

Layihənin informasiya dəstəyi Mod.Az xəbər portalıdır.

Əlaqə telefonları: +994 55 3696749 +994 55 5222499