Türkiyənin məhşur şoumeni Mehmet Əli Erbil Şimali Kipr Türk Respublikasında (KKTC) qəfildən səhhətində meydana gələn nasazlıq səbəbilə xəstəxanaya yerləşdirilib. “Anadolu” agentliyi (AA) müxbirinin Yakın Doğu Universiteti (YDU) xəstəxanası idarə heyətinin üzvü Əhməd Savaşandan əldə etdiyi məlumata görə, Erbil sinəsində meydana gələn ağrı səbəbilə sürücüsü saat 20.00-də tərəfindən xəstəxanaya çatdırılıb.

Qeyd edək ki, Erbili 3 mütəxəssis kardioloq müayinə edib, xəstənin şikayətinin davam etməsi ilə ona anju (ürək-damarlarının genişləndirilməsi əməliyyatı) tətbiq edilib. Tanınmış şoumen əməliyyatdan sonra xəstəxananın reanimasiya şöbəsinə yerləşdirilib.