Baş rolda Türkiyənin məşhur aktrisası Nurgül Yeşilçayın çəkildiyi “Ayrılıq olmasaydı” serialının Diyarbəkirdə olan çəkiliş meydanı PKK terrorçularının hücumuna məruz qalıb. Molotov kokteyli və səs qumbaraları ilə hücumu həyata keçirən “Apoçu gənclik təşəbbüsü” adlı qrup kürd xalqına qarşı çəkilən irqçi-şovenist filmlərə etiraz üçün bu addımı atdıqlarını bildiriblər.

Bu hadisədən sonra aktyorlar və çəkiliş heyəti kifayət qədər təhlükəsizlik tədbiri olmadığını irəli sürərək Diyarbəkiri tərk edəcəklərini bildiriblər.

Qeyd edək ki, serialın çəkilişləri bundan sonra Mardin şəhərində davam edəcək.