Türkiyəmim məşhur müğənnisi İbrahim Tatlısəsin başından güllələnməsindən əvvəlki görüntüləri yayılıb. “Doğan” xəbər agentliyi müğənninin silahlı hücumdan öncə, Beyaz TV-dən ayrılarkən təhlükəsizlik kamerasının lentə aldığı görüntüləri yayıb. Görüntülərdə Tatlısəs yanındakı abamlarla sağollaşaraq maşınına minir. Amma, nədənsə agentlik güllələnmə anını yaymayıb.

Xatırladaq ki, İ.Tatlısəs ötən gecə naməlum şəxslər tərəfindən “Kalaşnikov” markalı avtomatla atəşə tutulub. Baş nahiyəsindən güllə yarası alan müğənni xəstəxanada həkimlərin ciddi nəzarəti altında müalicə olunur.