Türkiyə musiqisinin “İmperator” ləqəbli məşhur müğənnisi İbrahim Tatlısəs “Twitter” səhifəsində sevənlərinə yeni bir müjdə verib. ANS PRESS-in Türkiyə mətbuatına istinadən verdiyi məlumata görə, İ.Tatlısəs öz adına ətir istehsal etdirəcəyini bildirib.

Qidadan geyimə, nəqliyyatdan turizmə qədər bir çox fərqli sahələrə yatırım edən məşhur müğənni indi də parfümeriya sahəsinə öz adını yazdıracaq.

“Xəbəriniz olsun, öz adıma ətir çıxaracağam. Bundan sonra sevənlərim İbo iyi verəcək. Həm də dünyada bütün gözəl ətirli çiçəklərin qoxusu toplanacaq həmin parfümdə”, - deyə İbrahim Tatlısəs sevənlərinə mesaj yollayıb.