Türkiyənin məhşur müğənnisi, Ankaralı Namiq kimi tanınan Namiq Uğurlunun avtomobilindən narkotik maddə tapılıb. Türkiyə mətbuatının yaydığı məlumata görə, hadisə paytaxt Ankaranın Çubuk rayonunda baş verib. Məlumata görə, Çubuk polis bölməsinin əməkdaşları Ankaralı Namiqə aid avtomobili reyd vaxtı dayandırıb. Axtarış vaxtı müğənninin maşınının arxa oturacağından 2, bardaçokundan 16 ədəd hər biri 40 qram olan marixuana aşkarlanıb. Bundan başqa polis avtomobildə olan daha 3 nəfəri narkotik maddə hazırlamaq və satmaq ithamları ilə saxlayaraq nəzarətə götürüb.

Qeyd edək ki, Ankaralı Namiq polisdə verdiyi ilkin ifadəsində narkotik maddənin özünə aid olmadığını bildirib. Avtomobildə olan digər şəxslərin isə daha əvvəl işlədikləri müxtəlif cinayətlər səbəbilə axtarışda olduqları bildirilib.