Amerikanın tanınmış aktyoru Stiven .siqal Moğol imperatoru Çingiz Xanın həyatından bəhs edən filmdə çəkiləcək. Bu barədə məlumatı aktyor özü Qazaxıstanın paytaxtı Astanada keçirilən Beynəlxalq film festivalında jurnalistlərə verib. Məşhur qazax rejissor Timur Bakmambetovla hal-hazırda bu layihənin üstündə işlədiklərini bildirən Siqal bu film üçün Qazaxıstan hökumətinin də dəstəyini gözlədiklərini deyib.

Holloivud kino sənayesində böyük böhran olduğunu deyən Stiven Siqal məşhur ABŞ aktyorlarının dünyanın müxtəlif yerlərindəki fərqli layihələrdə rol oynadıqlarını bildirib.

Rus kinematoqrafçılardan da təkliflər aldığını deyən Siqal filmin çəkilişi üçün Rusiyadan istifadə edə biləcəklərini, amma rus rejissorlarla hər hansı bir razılaşmasının olmadığını vurğulayıb.

Xatırldaq ki, Stiven Siqal ilk dəfə şöhrəti 1980-ci illərin sonunda çəkilmiş "Niko" filmi ilə əldə edib. ANSPRESS