Azərbaycan şou-biznesini “zəlzələ” gözləyir. ANS PRESS-in məlumatına görə, DJ Aligee və "AzeriLife Inc" qrupu yaxın vaxtlarda "Earthquake on the dance floor" videçarxını təqdim edəcəklər.

Azərbaycanlı DJ Aligee və "AzeriLife Inc2 qrupunun "Earthquake on the dance floor" (“Rəqs meydançasında zəlzələ”) mahnısına klipin çəkilişləri yayın ortalarında Park Bulvar ticarət-əyləncə mərkəzinin dayanacağında həyata keçirilib.

Dutch house üslubunda kompozisiyanın sözlərini “Akademiya” musiqili televiziya layihəsində iştirakı ilə hər kəs tərəfindən tanınan Erkin Love yazıb. DJ Aligee və "AzeriLife Inc" qrupunun duetinin prodüsserliyi ilə "AzeriLife Music Entertainment" məşğuldur.

Klip yaxın vaxtlarda təqdim olunacaq, lakin hazırda YouTube-a "Earthquake on the dance floor"un anons videosu yüklənilib.