Bəzi müğənnilər isə müxtəlif məkanlara üz tutacaqlar, amma oxumaq üçün yox, ailələri ilə birlikdə istirahət edib, Yeni ili qarşılamaq üçün. Şou əhlinin bir qismi isə bayram gecəsini Vətəndən uzaqda keçirəcək. Show.az sənətçilərin Yeni ili harada, kiminlə və necə qarşılayacağını araşdırdı.

Xuraman Şuşalı Yeni il gecəsi həm çalışacaq, həm də ailəsinə, övladlarına zaman ayıracaq.

Tez-tez ölkəmizin qonağı olan, artıq Azərbaycan şou-biznesinin bir üzvü hesab edilən tanınmış türk müğənnisi Rafet El Roman Yeni ili Qəbələdə nişanlısı Ceren Kaplakarslan və pərəstişkarları ilə birlikdə qarşılayacaq.

Müğənni Nura Suri Yeni ili hər il olduğu kimi, bu il də ailəsi ilə birgə qeyd edəcək. Həmin günü yalnız ailəsinə həsr edəcək sənətçi Çin restoranlarından birində axşam yeməyi yedikdən sonra Yeni ili öz evində qarşılayacaq.

Xalq artisti Brilliant Dadaşova hələ məkan seçməsə də, Yeni il gecəsi oğlu ilə birlikdə olacaq.
Yeni ilə hazırlaşan sənətçilərin bir qismi bayram gecəsini iş başında, müxtəlif əyləncə məkanlarında keçirəcəklər.

Türkiyə şou-biznesinə qatılan Röya Yeni ili qardaş ölkədə ailəsi və oğlu ilə birlikdə qarşılayacaq. Sənətçi İstanbulun əyləncə məkanlarında da çıxış edəcək.

Xalq artisti İlhamə Quliyeva 2013-cü ilə Vətəndən kənarda – Fransada "xoş gəldin" deyəcək. Oğlu ilə birlikdə Yeni ili keçirəcək olan sənətçi 2013-cü ilin ilk günlərində Bakıya qayıdacaq.

Rəqsanə İsmayılova isə Yeni ili Moskvada nişanlısı, qızları və anası ilə birgə qeyd edəcək.

Müğənni İzzət Bağırov Məhərrəm ayı ilə əlaqədar şou-proqramlara qatılmayacağını bildirib.

Xalq artisti Nazpəri Dostəliyeva Yeni ili Londanda qarşılayacaq. Müğənni ailəsi ilə birlikdə yanvarın ilk həftəsini Londanda keçirəcək.

Əməkdar artist Tünzalə Ağayeva Yeni ili Bakıda, ailəsi ilə birlikdə keçirəcək.