Kiprdə “Cratos Otel”də səhnəyə çıxan məşhur müğənni Sərdar Ortac mahnıları ilə tamaşaçıları əyləndirib. ANS PRESS-in Türkiyə mətbuatına istinadən verdiyi məlumata görə, mahnı aralarında tamaşaçılarla söhbət edən sənətçi maraqlı açıqlamalar edib.

Ortac sevgilisi Kloi Louhanla nə vaxt evlənəcəyi ilə bağlı suallara belə cavab verib:

“Evlənməklə bağlı qərarımı anamla paylaşdım. Artıq yaşım gəlib. Çox yaxın zamanda İrlandiyaya gedib sevgilimin ailəsi ilə görüşəcəyəm və onu ailəsindən istəyəcəyəm. Onunla yuva qurmaq istəyirəm”.

Xatırladaq ki, S.Ortac 2 ilə yaxındır ki, özündən 19 yaş kiçik model K.Louhanla birlikdədir.