Türkiyənin məşhur müğənnisi Sərdar Ortac evlənmək qərarına gəlib. ANS PRESS-in Türkiyə mətbuatına istinadən verdiyi məlumata görə, illərdir güvənə biləcəyi və onu xoşbəxt edə biləcək qız axtarışında olan müğənni Litvadan olan Çloe Louhnanl evlənmək qərarına gəlib.

Bu xəbəri sənətdə olmasının 20-ci ildönümünü qeyd edən Ebru Gündeş tamaşaçılar qarşısında söyləyib. Belə ki, E. Gündeşlə gecədə duet səsləndirən Sərdar Ortac bildirib ki, Ebru Gündeş ona dəstək olan ilk dostudur: “Ebru ilk əlimdən tutan, mənə dəstək olan insandır. Həbsxanada olanda, atam vəfat edəndə mənim yanımda oldu. Onu çox sevirəm, amma o da evlidir”.

Ebru Gündeş isə öz növbəsində Sərdar Ortacın litvalı qızla evlənmək qərarına gəldiyini deyib.