Allaha və İslama həsr etdiyi mahnıları ilə çoxlarının qəlbinə yol tapan Azərbaycan əsilli tanınmış müğənni Sami Yusuf yeni albomunun üzərində çalışır. Sayca 4-cü olacaq “Salaam” albomu tezliklə işıq üzü görəcək.

Xatırladaq ki, sənətçinin uzun müddətdir gözlənilən "Make Me Strong" mahnısının video klipi də bu yaxınlarda işıq üzü görmüşdü. “Spiritique” musiqi tərzinin qurucusu Sami Yusufun "Make Me Strong" mahnısına çəkdirdiyi bu klipi böyük diqqət cəlb edib. Mahnı Sami Yusufun sonuncu "Wherever You Are" albomunun ən sevilən parçalarından biridir. Klip ETM İnternational şirkəti tərəfindən ABŞ və Danimarkada lentə alınıb. Mahnının sözləri və musiqisi Sami Yusufun özünə aiddir.